Link açıqlığı

Saatnıñ esas haberi

Qırım sakinleri bir kün içinde evlenüv şeadetnamesini ala bilecekler – Ukraina Adliye nazirligi


İşğal etilgen Qırım sakinleri bir kün içinde evlenüvni qayd etmek mumkün olurlar, çünki qıtaiy Ukrainada eñ qısqa muddette vesiqalarnı azırlağan sadeleştirilgen usul azırlanıldı. Bunı Qırım.Aqiqat Radiosınıñ efirinde Adli naziriniñ Avropa ile berleşün boyunca muavani Sergiy Petuhov bildiridi.

«Bu afta men şahsen özüm Hersonda bir künde evlenüvniñ qayd etüv ceryanını işletüvge kirsettim. O mahsus qırımlılar içün çalışa. Anda kelip, bir künde evlenüv şeadetnamesini almağa mumkün olacaq», – qayd etti o.

Qırım Rusiye tarafından işğal etilgen soñ Ukraina yarımadaki rus akimiyetinden berilgen vesiqalarnı qabul etmey.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG