Şevçenko adına Kyiv Milliy Universitetinde oktâbr 21, cuma künü Qırımtatar til ve edebiyat Merkezi ve ağzaviy tercimeniñ zemaneviy tehnologiyalar laboratoriyası açıldı.
Bunı universitetniñ matbuat-hızmeti bildire.
Bildirüvde Tilşınaslıq Merkezi ve tercime laboratoriyası Türk İşbirligi ve Koordinasyon Ajansı Başkanlığı (TİKA) destegi ile tehnikiy tarafеan donatılğanı aytıla.
Açılış merasiminde türk eyyetinden ğayrı qırımtatar halqınıñ lideri Mustafa Cemilev te iştirak etti.
«Qırımtatarlar içün Ukraina olarnı çeşit şekillerde maneviy cetten desteklegeni ğaye emiyetli. Qırımtatar ve ğağauz tilleriniñ ögrenilmesi boyunca tasil programmalarınıñ açılması –böyle destekniñ delili», – dedi Cemilev.
Matbuat-hızmetiniñ bildirgenine köre, Şevçenko adına Kyiv Milliy Universitetiniñ tilşınaslıq institutı «şimdilik Ukrainada devlet müessiseleri arasında tek onda zemaneviy tercime laboratoriyası bar».
