Link açıqlığı

Kyivde «Sarykhalil & Ramazan project» taqımınıñ kontserti olıp keçti


Oktâbr 20-de Kyivde «Sarykhalil & Ramazan project» qırımtatar taqımı çıqışta bulundı.

Qırım.Aqiqat mühbiri bildirgenine köre, çalğıcılar diñleyicilerine yañı yırlarnıñ «eksklüziv life versiyaları» taqdim etti.

Taqım solisti Elvira Sarıhalil Kyivdeki kontsertke kelgen Qırım vatandaşlarını selâmladı.

«Albom yazamız ve yañı muzıkanı sizlernen paylaşmaq ister edik. Ukrainada muzıkamıznıñ qırımtatar tilinde yaratılması hoş bir duyğu, kontsertimiz Qırım semetdeşleriniñ sıcaq körüşüvi olğanına quvanam», – dep ayttı Elvira Sarıhalil.

Qırımtatar taqımınıñ kontsertine 2016 senesi «Eurovision» yarışında ğalip çıqqan qırımtatar tamırlı ukrain yırcısı Jamala keldi.

«Sarykhalil & Ramazan project» – Elvira Sarıhalil ve Rasim Ramazanovnıñ duetidir. Soñra ukrain-amerikan gitarcı ve kontrabasist Andrey Arnautov ve amerikan davulcı, perkussionist Den Kürferst qouşuldılar.

Bildirilgenine köre, yırcı Elvira Sarıhalil «Qırımnıñ yır halq ağız yaratıcılığını qıdıra ve tedqiq ete, o, eski yalıboyu şivesiniñ saqlap qalması sayeside etno-caz icrasınıñ yañılıqçısı sayıla».

XS
SM
MD
LG