Link açıqlığı

Saatnıñ esas haberi

Rusiyelilerniñ Ukraina, AQŞ ve AB aqqında fikirleri 2016 senesi eyileşti – «Levada-Center»


Rusiyedeki «Levada-Center» cemiyetşınaslıq merkezi Rusiye sakinleri arasında sorav keçirip, ealiniñ AQŞ, Avropa Birligi ve Ukrainağa nisbetten davranışlarını ögrendi. Neticelerge köre, kesinlikle menfiy baqışlar eksildi.

Soravda iştirak etkenlen rusiyelilerniñ çoqusı Ukrainağa «asılında yaramay» davrana – 38%. 2015 senesine nisbetten bu sayı 4% eksildi. «Pek yaramay» davranğanlar 18 faizni teşkil etti, bu da keçken senege nisbetten 3% azcadır. Ukrainağa yahşı davranğanlar – 24%.

Avropa birligine soravdan keçkenlerniñ 41% «asılında yaramay» davrana. Bu köstergiç te, keçken senege nisbetten, 4% eksildi.

AQŞ-na qarşı «asılında yaramay» davranğanlarnıñ sayısı 2015 senesine nisbetten 2% eksildi ve 44 faizni teşkil etti. Rusiyelilerniñ 21% Amerika Qoşma Ştaltlarınaştaltlarına «asılında yahşı» davrana.

Üç sualden er birisine berilgen cevaplar arasında «cevaplamağa zorlanam» degenlerniñ sayısı arttı.

Haber etilgenine köre, mezkür sorav 2016 senesi sentâbr 23-26 künleri keçirilgen edi, soravda Rusiyeniñ 48 regionında, 137 mesken yerinde, temsiliy esap ile köy ve şeer sakinleri arasından 18 yaşından büyük 1600 insan iştirak etti.

Keçenleri «Levada-Center» teşkilâtı Rusiye Adliye nazirliginiñ qararına qarşı mahkemege şikâyet etti. Nazirlik merkezni «çetel agentler» cedveline kirsetti, merkezniñ müdiri ise teşkilâtınıñ faaliyeti ilmiy maqsatlar ile ötkerilgenini ve siyasetnen bağlı olmağanını ayta.

XS
SM
MD
LG