BM İnsan Aqları Missiyasısıñ başı Fiona Frazer Ukraina Haber siyaseti nazirligi ile işbirlikte Qırımdaki kütleviy haber vastalarını nezaret ete bilecegine ümüt etkenini ayttı. Bunı o profil naziri ile ötkerilgen körüşüvinde bildirdi.
Bundan ğayrı o Rusiye tarafından «Ukrinform» agentliginiñ jurnalisti Roman Suşenkonıñ aqları bozulğanını da muzakere etti.
Ukraina Haber siyaseti naziri Yüriy Stets dedi ki, endiden soñ Rusiye sıñırlarını keçken er bir Ukrain vanandaşı ve diger ülke vekilleri telüke alındalar.
Öz tarafından Fiona Frazer hatırlattı ki, BM taqımı Donbas kontakt çizgisiniñ eki tarafından da vatandaşlarnıñ aqları bozulmasın dep nezaret ete. Onıñ sözlerine köre, bu Ukraina nezaretinde olmağan şarqiy topraqlardan malümat almağa imkân bere.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
