Ukraina prezidenti Petro Poroşenko cumaaqşamı, oktâbr 20 künü, Avropa Parlamentiniñ prezidenti Martin Schulz ile Qırımda insan aqlarınıñ bozulması sebebiden Rusiyege qarşı yaptırımlarnı küçlendirmek imkânını muzakere etti.
Bunı ukrain prezidentiniñ matbuat-hızmeti bildire.
Bildirüvde aytıla ki, Poroşenko ve Schulz Rusiyege qarşı sanktsiyalar «Ukrainanıñ topraq bütünligi ğayırdan tiklenilecegine» qadar devam ettirilmek kerek olğanını muzakere ettiler.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
