Link açıqlığı

Qırımda paalı fiyatlarnıñ sebebi ağır lojistika ve reqabetniñ zayıf olğanını aytılar


Arhiv resimi

Aqyar ve Qırımda tükânlardaki fiyatlar ağır logjistika ve imalatçılar arasına reqabetniñ zayıf olğanından sebep paalılaşa. Bunı qırımdaki jurnalistlerge Rusiye tarafından tain etilgen Monopoliyağa qarşı Federal hızmetniñ idrarecisi İgor Artemyev beyan etti, dep haber ete «Krıminform».

«Qırımda ve Aqyarda imalat masrafları çoq sebeplerten daa paalı olmaq mumkün. Çünki köpürni (Keriç boğazından – QA) qurmağa kerek, ondan mahsulatlartnı yollamağa ve kerekli malzemeleri ve Qırımda çıqarılmağan şeylerni mında ketirmege mumkün olsun dep. Aynı zamanda biz köremiz ki, Krasnodar vilâyetinde imalat masrafları azca ola. Anda raqiplik daa yüksek, daa küçli. Bundan tükândaki fayatlar da ucuzlaşa. İmalatçılar arasındaki raqiplik anda müşterilerniñ kârına kele», – dedi Artemyev.

Kremlin nezareti astındaki Qırım parlamentiniñ Sanayı siyaseti, naqliyat ve yaqarlıq-energetika kompleksi bounca komiteti oktâbrniñ başında mahsulatlarnıñ fiyatları qanunsız şekilde arttırılğanı aqqında beyan etken edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG