Qırımtatar Milliy Meclis reisiniñ muavini İlmi Umerov FSB tarafından sorğuğa çağırıldı. Sorğunıñ keçirilmesi oktâbr 20, cumaaqşamı kününe belgilendi. Bunı Facebookta Qurultaynıñ Merkeziy saylav komissiya reisi Zair Smedlâyev bildirdi.
«İlmi Umerov bügün saat 15.00-ke FSB idaresine sorğuğa çağırıldı», – dep yazdı Smedlâyev.
Oktâbr 10 künü Qırımtatar Milliy Meclis reisiniñ muavini İlmi Umerov degen edi ki, o mecburiy ekspertizadan keçip klinikadan çıqqan soñ, işğal etilgen Qırımda Rusiye silâlı quvetlerniñ vekilleri onnen bağlanmay ediler.
Rusiyeli FSB Umerovnı mayıs 12-de Bağçasarayda yaqaladı. Rusiyeli uquq qoruyıcı organları bu sene mayıs ayında İlmi Umerovğa qarşı «separatizm» maddesi boyunca cinaiy iş açtı.
Avgust 11-de mahkeme zalında İlmi Umerovnıñ alı yaramaylaştı. Ekimler onı infarkt havfı ile hastahanege ketirdi. Bundan soñ Rusiyege boysunğan Aqmescitteki Kiyev rayon mahkemesi Umerovnıñ statsionar psihiatrik-mahkeme ekspertizadan keçirilmesi aqqında qarar aldı. O, psihiatrik hastahanege avgust 18-de ketirildi.
Sentâbr 7-de İlmi Umerov klinikadan çıqtı.
