Link açıqlığı

Ukraina baş naziri Vladimir Groysman ükümet toplaşuvında Maliye nazirligi, İçtimaiy siyaset nazirligi, Adalet nazirligi ve Haber siyaseti nazirligine kelecek toplaşuvğa qadar ATR qırımtatar telekanalını maliye etüv meselesiniñ al etilmesine dair tekliflerni azırlamağa avale etti. Bunı UNN bildire.

«Bunı baqqan baş nazir muavini Vâçeslav Anatolyeviçke (Kirilenko – QA) buyuracam, ükümetniñ kelecek toplaşuvına qadar bu qararğa dair teklif ya da deñişmelerni kirsetmek ya da yañı qararnı azırlamaq içün sizden Maliye nazirligi, İçtimaiy siyaset nazirligi, Haber siyaseti nazirligini toplamağa rica etem. Bu yönelişte masraflarnı kerçekleştirmek içün mesele al etilmeli. Adalet nazirliginden de qoşulmağa rica etem», – dedi Groysman.

Bundan evel haber siyaseti naziri Yuriy Stets bildirdi ki, ATR qırımtatar telekanalınıñ maliye etüv meselesi al etilmeli. Onıñ añlatqanına köre, 2016 senesi aprel ayında Nazirler şurası telekanalnı maliye etme qararını qabul etti, faqat ükümetniñ qararı alâ daa işke tüşürilmedi.

ATR saibi Lenur İslâmov bunıñnen bağlı bir izaat bermedi.

Oktâbr 11-de kütleviy haber vastaları ATR telekanalınıñ Litvaniyağa köçmek planları aqqında bildirdi.

2015 senesi aprel 1-den itibaren ATR qırımtatar telekanalı Rusiye litsenziyasını almayıp, yarımadada işini toqtattı. Soñra ise esas Ukrainadan yayınlamağa başladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG