Link açıqlığı

Büyük Britaniyanıñ tışqı işler naziri: Rusiye acele sürette Kolçenko ve Sentsovnı azat etmeli


Büyük Britaniyanıñ tışqı işler naziri Boris Johnson

Rusiye akimiyeti acele sürette mahküm etilgen ukrainler Oleg Sentsov ve Aleksandr Kolçenkonı azat etmek kerek.

Bunı Britaniya parlamentiniñ oktâbr 18-de olıp keçken cemiyetler palatasınıñ toplaşuvında Büyük Britaniyanıñ tışqı işler naziri Boris Johnson ayttı.

«Olıp keçken qanunsız Qırım işğaline munasebetini bildirip apis cezasını alğan ukrainler sayısı, şu cümleden Kolçenko ve Sentsov bizni qasevetlendire. Bizler Rusiye akimiyetine muracaat etip, olarnı acele azat etmege çağıramız», – dep ayttı Johnson.

Memur emin ki, Rusiyeniñ Suriyede ve Ukrainada yapqanları ceza basqısını quvetlendirmeli.

2015 senesi avgust 25-de Şimal-Kavkaz bölge arbiy mahkemesi Oleg Sentsovnı 20 yılğa qadar, Aleksandr Kolçenkonı 10 yılğa qadar apiske aldı.

Olarnı terakt azırlaması ile qabaatladılar. Qırım paytahtınıñ «Daimiy ateş» memorialı ve Lenin eykeli yanında patlav keçirmege planlaştırılğanı bildirildi.

Sentsov ve Kolçenko qabaatını tanımadılar. Uquq qorçalayıcı teşkilâtlar qabaat delilsiz ve siyasetnen bağlı olğanını tüşüneler.

XS
SM
MD
LG