Ukraina Tışqı işler nazirligi vatandaşlarına Ankara ziyaretlerinden vaqtınca vazgeçmege tevsiye ete. Bu aqqında TİN konsullıq hızmeti departamentiniñ matbuat hızmeti Facebook saifesinde aytıla.
«Ankara valiliginiñ 17.10.2016 sanından 30.11.2016 sanına qadar terrorist ücümleri kerçekleştirile bile kibi malümatından soñ meydan, soqaq, bağça ve qapalı binalarda miting, numayış, toplaşuvlarnıñ keçirilmesi yasaq etile. Bundan sebep Türkiyedeki Ukraina elçihanesi Ankarada yaşağan ya da Türkiye Cumhuriyetiniñ paytahtına barıp kelmege niyetlengen vatandaşlarına acele bir sebep olmasa, şeer merkezi, açıq yerler, ava limanı, vokzal, cemaat naqliyatınıñ duraqları, şu cümleden metro, politsiya bölükleri ve noqtaları, devlet akimiyeti ve yerli idare organlarınıñ civarlarına barmamağa tevsiye ete», – dep aytıla beyanatta.
Türkiyede olağanustü al iyül 15-den 16-na keçer gecesi yüz bergen devlet avdarması teşebbüsinden soñ iyül 20-de ilân etildi.
Türkiye akimiyeti oktâbr 3-de memlekette olağanustü alını daa 90 künge uzatmağa qarar aldı.
