Link açıqlığı

Saatnıñ esas haberi

Qırım Muhtar Cumhuriyetiniñ prokuraturası oktâbr 12-de qırımtatarlarnıñ yaqalanmasından sebep cinaiy işler açtı


Qırım, Mamaq, qırımtatarlarnıñ evlerinde tintüv, 2016 senesi oktâbr 12 künü
Qırım, Mamaq, qırımtatarlarnıñ evlerinde tintüv, 2016 senesi oktâbr 12 künü

Qırım Muhtar Cumhuriyetiniñ prokuraturası Qırımdaki FSB temsilcilerine qarşı açılğan cinaiy işler boyunca mahkemeden aldın taqiqatqa başladı. Qırım Muhtar Cumhuriyetiniñ prokuraturası «2016 senesi oktâbr 12-de qırımtatarlarnıñ evlerinde zorbalıq ile keçirilgen qanunsız tintüvler boyunca» taqiqatnı alıp bara.

«Qırım Muhtar Cumhuriyetiniñ prokuraturası kene de qayd ete ki, Qırımda insan aqları ve serbestligini ve devlet menfaatlarınıñ bozulması qayd etile ve qabaatlı olğanlarnı qanunğa köre mesülietke çekmek içün taqiq etilecektir», − dep aytıla prokuraturanıñ saytında.

Oktâbr 12-de Qırımda beş musulman qorantasınıñ evinde tintüv keçirildi. Beş qırımtatarı yaqalandı: Rustem İsmailov, Abdullayev Uzair, Abdullayev Teymur, Cemadinov Emil, Saledinov Ayder.

Aqmescitteki Rusiye mahkemesi oktâbr 13-de bir qaç qırımtatarını Rusiyede yasaq etilgen «Hizb ut-Tahrir» teşkilâtınen bağlı olmasında şeklep apiske aldı. Yasaq işğal etilgen Qırımğa da tarqaldı. Qırımtatarlar dekabr 11 kününe belgilengen mahkeme esnasınıñ başlanmasına qadar apiste yatacaqlardır. Zarar körgenlerniñ advokatları dey ki, Aqmescit musulmanları insan aqları bozulıp yaqalandı.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG