Faaller «Krımska svitlıtsa» ğazetasına destek olaraq öz teşebüsinen para cıyıp başladılar. Aktsıyanıñ maqsadı nazirlikler, devlet organları ve memurlarnı gazetağa yazdırmaqtır. Bunı aktsıyanıñ teşkilâtçısı Veldar Şukurciyev Qırım.Aqiqatqa bildirdi.
«Qırım meselesinen oğraşqan memurlarnı abune olmağa çağırğan edik. Bu – İşğal etilgen topraqlar boyunca nazirlik, Haber siyaseti nazirligi, Ukraina prezidentiniñ temsilcileri, Qırım MC prokuraturası, İİN, UTH. Olardan kimse istemedi, onıñ içün memurlarnı yazdırmaq maqsadı ile, olar para tapamay ekende, memleketimizniñ halqına muracaatta bulunıp, sermiya bağışlamağa çağıramız», – dedi Şukurciyev.
Onıñ aytqanına köre, erkezden çoq gazetanı devler hızmetçileri desteklemek kerek, çünki bu Qırım ve qırım sakinleriniñ minberi.
Oktâbr 14 künü Kyivte «Krımska svitlıtsanıñ» yañılanğan sitesi taqdim etilgen edi.
«Krımska svitlıtsa» Qırımda 1992 senesinden neşir etile edi.
2016 senesi mart 14 künü «Milliy gazeta ve mecmua neşiriyatınıñ» baş müdiri muarririyetniñ Aqmescitten Kyivke keçirilecegi aqqında emir çıqardı. İyülniñ başında «Krımska svitlıtsa» baş muarriri vazifesine ilân etilgen yarışnıñ ğalibi Aqmescitli tilşınas Viktor Merjvinskiy oldı.
