Oktâbr 17 künü Dağıstanda, Mahaçkala şeheriniñ merkeziy meydanında ğayıp olğan gençlerniñ tuvğanları toplaştı, bildire Kavkaz.Aqiqat.
Mitingte Hasavyürt, Kaspiysk, Maqaçkaladan 40 qadın iştirak etip, tuvğanlarınıñ bulunğan yerlerini bildirmege talap ettiler.
«19 künden berli ğayıp olğan evlâtlarımız aqqında iç bir şey belli degil. Bu vaqıt devamında politsiya hadimlerinden birisi kelip, oğlum ne vaqıt ğayıp olğanı, üstünde ne bar olğanı aqqında soramadı. Olarnı tapmaq içün olar iç bir şey yapmaylar», – ayttı faallerden biri.
Uquq qoruyıcı organlarnen qarşılı areket bölüginiñ reis muavini Renat Camaludinovnıñ bildirgenine köre, ğayıp olğanlarnen uquq quruyıcı organlar oğraşa. Ğayıp olğanları sebebinden cinaiy işler açıldı ve faal surette taqıqat alıp barıla.
Tedbirniñ soñunda ğayıp olğanlarnıñ anaları akimiyetke muracaat seslendirdiler.
Miting iştirakçileriniñ beyanatında böyle buyurıla: «Biz beyan etemiz, silâlı quvvetler yaşlarnı ormanğa «sıqıp çıqarmağa» tırışalar. Bunı becermeseler, uruşnı sanalaştıralar, soñra ise ğayıp olğan yigitlerniñ cesedlerini öldürülgen cenkaverler sıfatında qaldıralar».
Oktâbr 14, cuma künü ğayıp olğan gençlerniñ tuvğanları Hasavyürtta tedbir keçirdiler. Olar ğayıp olğanlarnıñ bulunğa yerlerini tapmağa talap ete ediler. Tetbirde ğayıp olğanlarniñ tuvğanları ve pervasız qalmağan yerli sakinler iştirak ettiler.
