Qırımda yel küçlengeni sebebinden eki künge furtuna havfı ilân etildi. Bunı Kremlin nezareti astındaki Qırım Fevqulâde vaziyetler nazirliginiñ matbuat-hızmeti bildire.
«Oktâbr 17 kününiñ ekinci yarısında ve 18 oktâbrde Qırımda şimaliy-şarqiy taraftan saniyede 17-22 metr suratınen yel esecegi beklenile», – dep qayd ettiler müessisede.
Yarımada sakinlerine elektrik tellerinden ve yüksek tereklerden uzaqca turmağa tevsiye etile.
Bundan ögüne «Deñiz müdirligi» («Morskaya direktsiya») şirketi ava bozulğanından sebep oktâbr 17 künü Keriç parom keçiti öz işini toqtatqanını bildirgen edi.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.
