Link açıqlığı

Kremlin tarafından tainlengen Qırım yolbaşçısı Sergey Aksönov, Rusiye Devlet Dumasına deputat olaraq saylanılğan Ruslan Balbekniñ yerine, şahsen kendisi millerlerara munasebetler meselesinen oğraşacaq oldı. Bunı Kremlin kontrolü altındaki Qırım akimiyeti bildire.

«Milletlerara munasebetleri – Qırım Cumhuriyetinde büyük diqqat talap etken eñ müim yoñelişlerden biridir. Bu sebepten idareni öz boynuma almağa qarar aldım. Barışıq, milletlerara razılıq ve biri birine ürmet – bizim milletlerara siyasetimizniñ temelidir. Ve bu saada parazit kibi davranacaq olsa, qarşısında menim şahsımda tecavuziy duşman körecek», – dedi Aksönov.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG