Kyivde oktâbr 20-de «Cemaat-siyasiy deñişmeler şaraitlerinde Qırım (1940-2015)» cıyıntığı taqdim etilecektir. Neşirni Ukraina havfsızlıq hızmetiniñ Saa devlet arhiv ve Ukraina tarihı institutı ve merkezi devlet arhivleri azırladılar.
«Cıyıntıqqa sovetlerniñ devlet akimiyeti organlarınıñ 1940-ıncı yılları Stalin reberiyetiniñ sürgünlik siyasetini aks ettirgen vesiqa ve malümatlar kirdi, qırımtatarlarnıñ 1950-1980-inci seneleriniñ tarihiy vatanlarına qaytuv küreşini aks ettire», – dep aytalar taqdim merasiminiñ teşkilâtçıları.
Cıyıntıq müellifleri bildire ki, onıñ içinde Qırımnıñ cenkten soñraki tarihınıñ belli olmağan saifeleri, Qırımnıñ Ukraina terkibine kirmesi içün iqtisadiy ve medeniy sebepleri, qırımtatarlarnıñ ukrain içtimaiy-medeniy ve siyasiy toplulığına alışması ve integratsiyası aydınlatıla.
Qırım Muhtar Cumhuriyetiniñ prokuraturası sovetler akimiyetiniñ qırımtatarlar ve diger tamır halqlarnıñ yarımadadan sürgün etmesi boyunca cinaiy taqiqat açtı.
