Oktâbr 14 künü Rusiye elçiligi ögünde ötkerilgen narazılıq merasiminde Qırım vatandaşlıq qamaçavınıñ yolbaşçısı Lenur İslâmov Ukraina zapt etilgen yarımadada vatandaşlarını qorçalamaq içün bir şey yapmağanını beyan etti. Bunı Qırım.Aqiqat muhbiri bildire.
«Qıtaiy Ukrainada Qırımda yüz bergen vaqıyalar aqqında haberdar degiller. Zapt etilgen yarımadada qalğan vatandaşlarını qorçalamaq içün Ukraina iç bir şey yapmay», – dep ayttı İslâmov.
O «qabaatsız olğan, lâkin dini rus standartlarına uymağan qırımtatarlarğa» qarşı Rusiye tarafından yapılğan areketlerni takbih etti ve Ukraina prezidentini ve ükümetini işğal etilgen Qırımda öz vatandaşlarını qorçalamağa çağırdı.
Oktâbr 12 künü zapt etilgen Qırımda terroristik teşkilâtınıñ qurumasında ve işinde iştirak etmesinde qabaatlanğan qırımtatarlarğa destek köstermek içün Kyivte Rusiye elçiligi ögünde tetbir ötkerildi.
