Qıımnıñ esas suv damarı – Salğır özeni, Qırım paytahtı Aqmescitten keçip, ket-kete daa ziyade özenge degil de, bataqlıqqa oşap kete. Bunı Qırım.Aqiqat muhbiri bildire.
Özende suvnıñ seviyesi pek say. Bundan sebep özende topraq obaları toplana ve ösümlüklernen sarılıp alına.
Salğır uzun vaqıt devamında temizlenilmegeninden – az mudette sazlanıp kete.
Aqmescit civarında Salğır özeni temizlenmey qalsa, Qırım paytahtınıñ merkezinde özen yerinde kerçek bataqlıq peyda olmaq mumkün.
Yerli sakinler Qırım.Aqiqat muhbirine deyler ki, şeerliler yaqın zamanda özen yanında bataqlıqlarğa has sasıq qoqular peyda olacağından qorqalar.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
