Link açıqlığı

Orel şeerinde Rusiyede ilk Qorqunçlı İvannıñ abidesi açıldı


«Qorqunçlı İvan» filminden resim, rejissör – Sergey Eyzenşteyn

Oktâbr 14, cuma künü Orel şeherinde Rusiyede yekâne olğan İvan Vasiliyeviç (Qorqunçlı İvan) abidesiniñ tantanalı açılış merasimi ötkerildi. Bunı «İnterfaks» bildire.

Abideniñ açıluvını Meryemananıñ Qorunması ortodoks hristian diniy bayramına bağışladılar.

Qorqunçlı Ivannıñ emiri ile 1566 senesi yılında Oka ve Orlik özenleriniñ birleşken yerinde Orel şeheri qurulğan edi. Şimdi bu yerde Bogoyavlenskiy Kilse yerleşe ve onıñ yanında abide qoyıldı.

Rusiye Medeniyet naziri Vladimir Medinskiyniñ aytqanına köre, Orel şeerinde İvan Groznıynıñ abidesi açılğanı «tarihımıznıñ bütün devirleri zıncır kibi bağlı olğanını tasdiqlamaqtadır».

Asıl da abide oktâbrniñ başında tiklenilgen edi. Başta abide şeerniñ 450 yıllığına bağışlanılıp Genç Seyirciler Teatri yanında yerleştirilecek edi. Amma yerli sakinler buña qarşı oldı. Tartışmalı tarihiy şahısnıñ abidesine qarşı faaller çıqtı. Şeer akimiyeti, abideniñ açıluvını vaqıtınce toqtatıp, şeer sakinlerinden sorav keçirdi. Orel sakinleriniñ ekseriyeti abideni qoymağa lâyıq kördi. Qorqunçlı İvannıñ abidesini qoymaq ğayesine Patriarh Kiril de qol tuttı.

XS
SM
MD
LG