Link açıqlığı

Qırımğa ayazlar kelecegi ve oktâbr 16-19 künleri ava arareti sıfır derecesine qadar tüşecegi bildirile. Bunı Qırımdaki Fevhulâde vaziyetler nazirliginiñ idaresi haber ete.

«Gidrometeorologiya ve Çevre Nezaret etüv idaresiniñ Qırım Bölügi bildirgenine köre, oktâbr 16, 17, 18, 19 künleri Qırımnıñ çöl ve orta regionlarında topraq üstünde 0-3 santigrat derece suvuq olacaq», – dep aytıla bildirüvde.

Keriç parom keçitinde areket cedvelinde ava bozuluvınen bağlı deñişmeler aqqında bir türlü malümat beyan etilmey.

Kremlniñ nezaretinde bulunğan Qırım Mesken-kommunal hocalıq naziri Sergey Karpov yarımadanıñ Cemaat Palata şurasınıñ keniş toplaşuvında bildirgen edi ki, Qırımda 13,6 biñ çoqdaireli mesken evlerden 98,7% qış mevsimine azır, 184 çoqdaireli evlerde azırlıq işleri bitirilmek kerek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG