Link açıqlığı

Advokat Mark Feyginge Rusiye sıñırlarından çıqmaq yasağı bir teknikiy hata olğanı belli oldı. Tass agentliginiñ bildirgenine köre, bunı advokatqa Rusiye Federal Mahkeme icracılar hızmetiniñ hadimleri heber etti.

Oktâbr 13, cümaaqşamı künü Feygin Moskva avalimanından Vilnüske uçacaqta Rusiye sıñırlarından tış yiberilmedi. Vilnüste muhalefet vekilleri ve ve insan aqları qorçalayıcılarnıñ iştiraginen «Azat Rusiye Forumı» keçirilecek edi.

Advokat bu yasaqnı Rusiyede casuslıqta qabaatlanıp yaqalanğan ukrain jurnalistı Roman Suşenkonıñ qorçalavınen bağlay.

Bundan evel Feygin mahkemede Pussy Riot gruppasınıñ iştirakçilerini, Ukrainalı uçucı Nadejda Savçenko ve Rusiye tarafından zapt etilgen Qırımda apiske alınğan qırımtatarlarnı qorçalay edi.

XS
SM
MD
LG