Kremlin nezareti astındaki Qırım akimiyetiniñ yolbaşçısı Sergey Aksönov yarımadağa İtaliyadan Veneto, Lombardia, Liguria, Toscana, Emilia-Romagna vilâyetleriniñ yerli parlament deputatlarınıñ vekilleri kelgenini haber etti. Bunı Aksönov oktâbr 14, cuma künü Facebookta bildirdi.
Onıñ sözlerine köre, kelgenlerniñ bazıları Qırımnı evel ende ziyaret etken ediler. O italyan deputatlarına «ümdeli noqta-i nazarları, Rusiyege qarşı sanktsiyalarınıñ lâğu etilmesine qol tutqanları, informatsion qurşavnı yıqqanları» içün minnetdarlığını bildirdi.
«İtalyan eyyetiniñ ziyareti sadece siyasiy noqta-i nazdar müyim degil, onıñ ameliy faydası da bar. Ayrıca, bizler içün suv temizlevinde, koy hocalıq tehnikasınıñ yapılmasında, aşayt mahsulatları ve ayvan yemleriniñ çıqarılmasına tecrübeli olğan italyan biznesiniñ vekillerinen işbirlik qurmaq pek müimdir. Ve eminim, italiyalı işdeşlerimiz, ziyaretleri devamında dünyaca belli olğan «Massandra» birleşmesini körüp, Qırım şarapçılarınen işbirlik qurmaq imkânlarınen meraqlanırlar», – beyan etti Aksönov.
Keçenleri Ukraina Yuqarı Radasında italyan deputatlarınıñ işğal etilgen Qırımnı ziyaret etmek niyetlerine itiraz bilrdiler.
Oktâbr 6 künü Ukrainanıñ Rigadaki elçisi Evgen Perebiynis bildirdi ki, Latviyalı sörfçılar Qırımnı izinsiz ziyeret etkenleri içün cezalanmaq mumkünler.
Ukraina Tışqı işler nazirligi çetel eyyetleriniñ Qırımğa yapğan ziyaretleri resmiy olmağanlarını bildirgen edi. İyül 25 künü Ukraina TİN muracaatınen çetel devlet vatandaşlarını qanunsız şekilde Qırımnı ziyaret etmekten tenbiyeledi.
