Link açıqlığı

Ukraina qorçalayıcısınıñ Kününde Poroşenko: Umumiy dahiliy mahsulnıñ 5% orduğa berilmeli


Oktâbr 14, cuma künü Ukraina qoruyıcısınıñ Künü munasebetinen devlet yolbaşçısı Petro Poroşenko, Ukraina qorçalanmağa istese, «büсet, iqtisadiyat, içtimaiy saa içün ağır olsa da» Silâlı quvetlerine ve telükesizlik ihtiyaçlarına Umumiy dahiliy mahsulnıñ 5% ayırmaq kerek olğanını ayttı.

Böyle beyanatnı o Ukraina qoruyıcısınıñ Kününe bağışlanıp Kyivteki Sofiya meydanında keçirilgen tantanalı merasimde seslendirdi.

«Bu masraflar dünyadaki silâ ve tehnika fiyatlarnen qıyaslansa; bizim arbiy büсetimiz başqa memleketlerniñ aynı masraflarınen teñleştirilse, biz kiçik ve pek sıñırlı maaliy imkânlarnen areket etkenimiz añlaşıla», – dedi Poroşenko, ve «Ukraina mıtlaqqa yeñecegini» ayttı.

Ukraina qorçalayıcısınıñ künü 2014 senesi oktâbr 14 künü Ukraina prezidenti tarafından tain etildi. Tarih olaraq bu bayram Meryemananıñ Qorunması diniy bayramınen bağlı, Zaporozhye kazakları onı özlerine imayeci olaraq qabul ete ediler.

XS
SM
MD
LG