Link açıqlığı

Qırım sıñırında Rusiye ava istihbaratını keçire – Ukrain Devlet sıñır hızmeti


Tasviriy resim

Ukraina sñır hızmetleri Rusiye silâlı quvvetleri tarafından Qırım ile memuriy sıñırda faal surette ava istihbaratı yapılğanını qayd eteler. Bunı Ukraina Devlet sıñır hızmetiniñ yolbaşçısı Oleg Slobodân Ukrinformda keçirilgen brifing devamında bildirdi.

«Oktâbr 6 kününden başlap sıñırcılar Qırım ile memuriy sıñırda 6 rus helikopteriniñ uçqanını ve bir kere dron qullanılğanını qayd ettiler. Rusiye sıñır bekçileri «Rıs» aerostatlarını da qullana», – dedi Slobodân.

Ukraina sıñır hızmeti vekiliniñ sözlerine köre,Qırım ile memuriy sıñırda Rusiye taradı öz Silâlı quvetleri içün baza lagerlerini qura.

«Filatovka mesken yeri yanında 247-ci avadan ucum polkınıñ taktik gruppa batalyonı içün yañı baza lagereniñ müendis azırlıqları alıp barıla. Or tarafında ileri rus mevzileriniñ yañılanması ve küçlenmesi ötkerile. Rusiye Silâlı quvetleriniñ «Sever» grupassı içün topçu lageri qurıla», – dedi Slobodân.

Eveleri Slobodân Qırım ile memuriy sıñırdan daa az adam keçip başlağanını bilrgen edi.

Qırım2014 senesiniñ başında Rusiye tarafından işğal etilgen soñ Ukainanıñ qıtaiy qısımı ve yarımda arasında asılında memuriy, lâkiv fakt olaraq kerçek «sıñır» keçirildi. Memuriy sıñırda üç kiriş/çıqış noqtası çalışa – «Kalançak», «Çonğar» ve «Çaplınka».

XS
SM
MD
LG