Ukraina sıñırcıları Qırım ile memuriy sıñırda yolcularnıñ sayısı eksilgenini qayd eteler. Bunı Ukrinform agentliginde olıp keçken brifingde Ukraina Devlet sıñır hızmetiniñ yolbaşçı muavini Oleg Slobodân ayttı.
«Er kün Rusiye işğal etken Qırım ile memuriy sıñırdaki kiriş noqtalarından orta olaraq 5,5 biñ insan ve 1,2 naqliye vastası keçe, keçken yılğa baqqanda bu sayı daa az», – dep qayd etti Slobodân.
Herson vilâyetindeki Ukraina Devlet maliye hızmetiniñ matbuat hızmeti bildire ki, elektrik ağlarda keçirilecek tamir işlerinden sebep «Çaplınka» ve «Kalançak» kiriş-çıqış noqtalarınıñ işi ara-sıra toqtatılacaqtır.
2014 senesiniñ başında Rusiye Qırımnı işğal etken soñ esas Ukraina ve yarımada arasında memuriy bir sıñır peyda oldı, amma asılında tam bir «sıñır» şekillendi. Memuriy sıñırda «Kalançak», «Çongar» ve «Çaplınka» kiriş-çıqış kontrol noqtaları çalışmaqta.
