Link açıqlığı

Keriç parom keçiti furtuna sebebinden eki künge qapatılabilir. Bunı Ltd "Deñiz Müdirligi" bildire.

Şirketiniñ malümatına köre, oktâbr 12 künü gece parom keçiti işini toqtata bile. Bunıñ sebebi cümaaqşamı sabasına qadar devam etecek furtunadır.

«Saniyede 20 metrge qadar suratınen rüzgar esecegi ve ava bozulacağı beklenile», – dep haber ete «Deñiz Müdirligi».

Bundan evel Kremlniñ kontrolindeki Qırım Fevqulâde vaziyetler nazirligi oktâbr 9 künü Keriç parom keçit hızmeti furtuna telükesine baqmadan çalışqanını bildirgen edi.

Keriç Boğazı – Rusiye Federatsıyasınıñ Krasnodar Vilâyetini Qırım ile bağlağan esas naqliyat ağıdır. Ukraina qanunlarına köre Keriç parom keçitinden Qırımğa kiriş yasaq etildi ve devlet sıñırını keçmek cinayetine teñ kelmektedir.

XS
SM
MD
LG