Oktâbr 11 künü Aqmescit ava limanında 18 uçuş lâğu etildi. Bu ava limanıñ resmiy sitesinde bildirile.
Ava limanınıñ online tablosında kösterilgen malümatına köre, Aqmescitten Moskovağa 6 uçuş iptal olundı, Yekaterinburgqa – 2, ve Krasnodar, Rostov-na-Donu, Qazan, Volgograd, İrkutsk, Anapa, Nizhnevartovsk, Kaluga, Çelâbinsk ve Murmanskqa birer uçuş lâğu etildi. Episi olup 18 uçuş iptal etildi.
Uçuşlar red etilgenleriniñ sebebi aydınlatılmay.
Oktâbr 7 künü Aqmescitten Moskva, Yekaterinburg, Samara, Krasnodar, Qazan ve Ufa, Penza, Perm, Volgograd, Habarovsk, Saratov, Anapa, St. Petersburg ve Çelâbinsk şeerlerine uçaqlar uçmadı. Umumen 26 uçuş iptal etilgen edi.
Aqmescitte kütleviy şekilde uçuşlarnıñ toqtatılması ve lâğu etilmesi iyül 17 künü başlağan edi. O zaman uçaqnıñ tehnik bozuluvından sebep Aqmescitten Sankt Petersburgqa uçacaqlar avalimanında 25 saat keçirgen ediler. Lâkin bir tek bu degil, "VIM-Avia" avayolı şirketiniñ başqa uçuşları de iptal etilgen edi.
