Ukraina prezidentiniñ qırımtatar halq işleri boyunca vekâletlisi, Ukraina millet vekili Mustafa Cemilev qırımtatarlarnıñ qaçırılması ve öldürülmesine diqqat çekmek için Moskvada keçirilgen aktsiya aqqında Facebook saifesinde bildirdi.
«Rusiyeniñ merkezinde, Moskvada, Kremlinge yaqın yerde şiarlar ve ğayıp olğan uquq qorçalayıcı Ervin İbragimovnıñ reslmlerini asıp, Qırımda qırımtatarlarnıñ qaçırılması ve öldürülmesine diqqat celp ettiler. Öz ailelerine qaytabileceklerge qaytmağa yardım etiñiz! Bu yardım çağuiıruvı eşitilsin dep, bu videonı paylaşıñız», – dep yazdı Cemilev.
Rusiyeniñ Qırımdaki Taqiqat komiteti faalniñ qaçırılması boyunca cinaiy iş açtı. Rus taqiqatı üç fikir seslendirdi: İbragimov bedel talap etmek içün, ticariy işlernen bağlı sebeplerden ya da Qırımdaki vaziyetni bozmaq maqsadınen qaçırılmaq mümkün edi. İbragimovnıñ aqrabaları ve Meclis azaları onı Rusiye mahsus hızmetleri qırımtatarlarnı ve «razı olmağanlarnı» qorqutmaq içün qaçırğanlarını tüşüneler.
Qırım Muhtar Cumhuriyetiniñ peokuraturası faalniñ qaçırılması boyunca Ukraina Cinaiy kodeksiniñ 115 maddesi boyunca iş açtı.
Qırım uquq qorçalayıcı gruppanıñ esaplarına köre, 2014 senesi fevral ayından başlap Qırımda 9 insan zorbalıqnen ğayıp oldı. Onlardan beşi – qırımtatarları. Daa üç adise, uquq qorçalayıcılarnıñ fikrine köre, zorba ile çaçırıluvğa beñzey, lâkin tam olaraq belli değil.
Uquq qorçalayıcılar yarımadada insanlarnıñ ğayıp olması olarnıñ siyasiy mrvamı ya da milliy mensüpliginen bağlı olğanını tasdiqlaylar. Qırım uquq qorçalayıcı gruppa insanlarnı Rusiye akimiyeti ya da onıñ nezareti adındaki silâlanğan gruppalar qaçırdı.
Qırımdaki akimiyet fakt olaraq insanlarnıñ ğayıp olğanlarını qabul ete, lâkin özü bunen bağlı olğanını inkâr ete ve qaçıruvlarnıñ maqsadı – Qırımnıñ işğalinen razı olmağan yarımada sakinkerini qorqutmaq olğanını da red ete.
