Link açıqlığı

Qırımtatar Milliy Meclis reisiniñ birinci muavini Nariman Celâl Qırımda Meclis azaları Emine Avamileva, Lenmar Yunusov, Dilâver Akiyev FSB taqiqatçısına sorğuğa çağırılğanlarını bildirdi.

Bu aqta Nariman Celâl Facebookta yazdı.

«FSB idaresiniñ taqiqatçısı İgor Skripka tarafından İlmiy Umerov işi boyunca şahat olaraq Qırımtatar Milliy Meclis azaları Nariman Celâl, Emine Avamileva, Dilâver Akiyev, Lenmar Yunusovqa ötkerilecek sorğu aqqında çağıruvname keldi», – bildirdi Celâl.

Qırımtatar Milliy Meclis reisiniñ muavini İlmi Umerovnıñ bildirgenine köre, oña zorluqnen ekspertiza tainlengen soñ ve o hastahaneden çıqqan soñ, Rusiye tarafından zapt etilgen Qırımda rus silâlı quvvetlerniñ vekilleri onnen bağğa çıqmadılar.

Rusiyeli FSB Umerovnı mayıs 12-de Bağçasarayda yaqaladı. Rusiyeli uquq qoruyıcı organları bu sene mayıs ayında İlmi Umerovğa qarşı «separatizm» maddesi boyunca cinaiy iş açtı.

Avgust 11-de mahkeme zalında İlmi Umerovnıñ alı yaramaylaştı. Ekimler onı infarkt havfı ile hastahanege ketirdi. Bundan soñ Rusiyege boysunğan Aqmescitteki Kiyev rayon mahkemesi Umerovnıñ statsionar psihiatrik-mahkeme ekspertizadan keçirilmesi aqqında qarar aldı. O, psihiatrik hastahanege avgust 18-de ketirildi.

Sentâbr 7-de İlmi Umerov klinikadan çıqtı.

XS
SM
MD
LG