Link açıqlığı

Saatnıñ esas haberi

ATR telekanalı Litvaniyağa köçmege niyetli – haber vastaları


ATR telekanalınıñ saibi Lenur İslâmov
ATR telekanalınıñ saibi Lenur İslâmov

ATR qırımtatar telekanalı Litvaniyağa köçmek niyetleri aqqında bildirdi. Bunıñ sebebi – ukrain akimiyeti tarafından maddiy yardım kösterilmegeni, dep haber ete «Ukrayinska pravda».

Telekanal haberleriniñ baş muarriri Osman Paşayevniñ sözlerine köre, Ukraina akimiyeti ATR telekanalına 40 million grivnâ miqdarında er yıllıq yardım kösterecegini vade etken edi, lâkin öyle de ayırmadı.

«Avropa komissiyası maaliy destek aqqında Avropa Parlamentiniñ alğan qararını (Qırım boyunda AP rezolütsiyasınıñ 9 maddesini) eda etecek olsa, bizge cismen Avropa Birliginde bulunmaq daa oñaytlı olur edi ve masraflar eksilir edi», – dedi Paşayev.

ATR telekanalınıñ saibi Lenur İslâmov Qırım.Aqiqatqa eki kün devamında jurnalistlerge izaat bermeycegini ayttı.

Qırımtatar ATR telekanalı 2015 senesi aprel 1 künü yarımadada analog yayınlarını toqtattı, çünki oña rusiye litsenziyası berilmedi. Bundan soñ ATR telekanalı esas Ukrainadan yayınlarını devam ettirdi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG