Poloniya Milliy telükesizlik bürosınıñ yolbaşçısı Pavel Soloh dekabr 2 künü Ukraina prezidenti Petro Poroşenko Varşavağa teşrif buyuracağını bildirdi.
«Petro Poroşenkonıñ ziyaret künü tesadufiy degildir. Dekabr 2 künü Poloniya ilk devlet olaraq Ukrainanıñ mustaqilligini tanığan edi», – dedi Soloh oktâbr 10 künü Ukraina Milliy mudafaa ve telülesizlik şurasınıñ kâtibi Oleksandr Turçinov ile Kyivte körüşken soñ.
Pavel Solohnıñ sözlerine köre, Petro Poroşenko özü de körüşüv devamında bu ziyaretni tasdiqladı.
Avgust 24 künü Poloniya prezidenti Andrzej Duda Kyivni ziyaret etkeni vaqıtında Petro Poroşenkonı Varşavağa davet etken edi.
Bazarertesi künü Pavel Soloh Ukraina MMTŞ kâtibive Ukraina prezidenti ile körüşüvler keçirdi. Salı künü o MMTŞ kâtibi Turçinov ile XIII «Silâ ve telükesizlik-2016» Halqara ihtisasiy serginiñ ve X «Aviamir-XXI» Halqara avacılıq salonunıñ açılışında iştirak etecek.
