Link açıqlığı

Oktâbr 10, bazarertesi künü Lvivte mahsus aktsiya ile Rusiyede tutulğan ukrain siyasiy mabuslarğa destek bildirdiler. Bu merasim aqqında Qırım.Aqiqatqa cemaat faali Maksim Osadçuk bildirdi.

Onıñ sözlerine köre, aktsiya toplulıqnıñ diqaqatını bu meselege celp etmek maqsadınen kiçkene miting şekilinde keçti.

«Bir-qaç onluq insan, olarnıñ arasında Qırımdan çıqqanlar, banner ve şiarlarnen turdı. Biz nevbetteki kere toplulıqnıñ diqqatını celp etmege istedik – ve bunı becerdik».

Qırım Rusiye tarafından işğal etilgeninden soñ yarımadada ukrain tarafdarları ve qırımtatar faalerini sıq-sıq taqip etip başladılar. Bunı defalarca uquq qorcalayıcılr tasdiqlay ediler. Olar Kremlinni insan aqlarınıñ bozulmasını toqtatmapa çağıralar. Lâkin Moskvada ve Qırımdaki rus akimiyeti basqılarnı inkâr ete.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG