Link açıqlığı

Rusiue prezidenti Vladimir Putin Dünya Ekonomik Kongresine qoşalmaq içün İstanbulğa keldi. Bunı «İnterfax» bildire.

Türk arbiy uçağı tarafından tüşürilgen Su-24 bombardıman uçağı ile adiseden soñ bu Rusiye devlet yolbaşçınıñ Türkiyege ilk ziyareti. İstanbulda Putin Türkiye prezidenti Recep Tayyip Erdoğan ile körüşecegi beklenile.

Rusiyeniñ Su-24 uçağı keçken sene noyabr ayında Suriye-Türkiye sıñırında uruldı. Bombardımanıñ pilotı öldürildi. Türkiye akimiyeti uçaq ülkeniñ ava sıñırlarını istilâ etkenini tasdiqlay edi. Rusiye bu qabaatını tanımadı ve Ankarağa qarşı yaptırımlar çıqardı.

İyün 27 künü Erdoğan, Putinge bir mektup ile Rus pilotınıñ ölüminden sebep yazıqsınğanını bildirdi. Bundan soñ, Kreml yaptırımlarınıñ bir qısımını ortadan qaldırdı. Ağust ayında, St. Petersburgta Putin ve Erdoğan devletler ara munasibetleriniñ bozulğanından soñ ilk muzakerelerini keçirdiler.

XS
SM
MD
LG