«Qırımda ve ATO bölgesindeki ağır vaziyetni» köz ögüne alıp, Ukraina Tasil ve ilim nazirligi Vernadskiy adına Tavriya Milliy Universitetine yıl devamında diger üniversitetlerden avuşacaq studentlerni qabul etmege izin berdi.
Bunı Qırım.Aqiqatqa Vernadskiy adına TMU matbuat-hızmeti bildirdi
«Tavriya üniversitesiniñ talebeleri aynı zamanda Avropa aliy oquv yurtlarında da oqumaq mumkünler. Olarnen student ve oca deñişüvleri aqqında añlaşmalar tizilgen», – dep aytıla beyanatta.
Vernadskiy adına Tavriya Milliy Universiteti (TMU) 2016 senesinden başlap Ukrainanıñ qitaiy qısımında çalışa. Universitette yedi «Qırım – Ukraina» tasil merkezlerinden biri teşkil etilgen. Qırımdan kelgen abituriyentler, mında kelip, Tışqı mustaqil imtihanlarını tapşırmayıp ukrain tasilini alabileler.
Universitette oquv yılı sentâbrniñ 26 künü Tasil nazirliginiñ binasında keçirilgen tantanalı açılış merasimi ile başlandı.
