Link açıqlığı

Saatnıñ esas haberi

Rusiye Qırımnı silânen donata – Britaniya Mudafaa naziri


Arhiv resimi: Michael Fallon Jitomirdeki poligoda söz çıqqan vaqıtta, Ukraina, 11 avgust 2015 senesi
Arhiv resimi: Michael Fallon Jitomirdeki poligoda söz çıqqan vaqıtta, Ukraina, 11 avgust 2015 senesi

Büyük Britaniya Mudafaa naziri Michael Fallon BBC telekanalınıñ efirinde Rusiyeni «basqıncılıqta ve Qırımnı askerileştirgeninde» qabaatladı.

«Rusiye Qara deñizde küçünen qopaya edi, Qırımnı silânen donattı, biz Baltiya devletlerine yapılğan sıqıştırmalarnı körgen edik», – dep qayd etti nazir.

Bunen beraber o Rusiyeniñ Suriye meselesindeki siyasetine qarşı itiraz bildirdi ve «Suriyede uçuşsız bölgelerniñ» belgilenmesine destek berdi. Onıñ sözlerine köre, şimdilik bu imkânsız, çünki «Rusiye bizim uçaqlarımızğa avada ucum etmeyceginiñ» kefaleti yoq.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG