Link açıqlığı

Moskvada ve Rısiyeniñ diger vilâyetlerinde oktâbr 9 künü Boris Nemtsovnıñ hatırasıana añuv merasimleri keçirildi. Bu künü o 57 yaşını tolduracaq edi. Bunı Radio Svoboda bildire.

Rusiyeniñ paytahtında onlarce adamlar siyasetçiniñ öldürülgeni Bolşoy Moskvoretskiy köpürüne ve defin etilgeni Troyekurovskoye mezarılğına çiçekler alıp keleler. Hatıra aktsiyaları Nijniy Novgorod şeerinde de ötkerile.

Rusiyeniñ daa bir-qaç şeerinde muhalifetçi aqqında vesiqalı filmler numaiş etile. Berlinde oktâbr 9 künü siyasetçiniñ adına eki künlük forum başlandı. Onı Boris Nemtsov fondı teşkil etti.

Nemtsov 2015 senesi fevral 28-ge keçer gecesi öldürülgen edi. Bu iş boyunca Zaur Dadayev, Şadid ve Anzor Gubaşevlar, Temirlan Eskerhanov ve Hamzat Bahayev yaqalanğan ediler.

Taqiqat bu cinayetniñ teşkilâtçısı olaraq Ruslan Muhudinovnıñ adını bildire, evelleri bu insan Çeçenistan İİN «Sever» batalyonunda ofitser edi. Bu cinayetni sımarlağanlar – «bellgilenmegen insanlar» sayıla.

Nemtsovnıñ aqrabalı ve safdaşları taqiqatnıñ ketişatınen memnün degiller. Olar Çeçenistan yolbaşlçısı Ramzan Kadırovnı sorğudan keçirmege ve işniñ özüni «Devlet ya da cemaat erbabınıñ ayatına suiqast» olaraq taqiq etmge talap eteler.

XS
SM
MD
LG