Link açıqlığı

Ukraina vizalı rejimniñ kirsetilmesi aqqında qarar alsa, Kremlinde «Rusiyeniñ menfaatlarını közge alıp» tedbir köreceklerini vade eteler.

«Sade adamlarnıñ aqlarını biraz sıñırlamağa qarar alsalar, ve eger de viza rejim kirsetilse, soñ, elbette ki, bu vaziyet baqılacaq ve rus tarafı öz menfaatları içün kârlı sayğan qararlarnı alacaq», – dedi Rusiye prezidentiniñ matbuat kâtibi Dmitriy Peskov.

Bu afta başında Ukraina Yuqarı Rada Yolbaşçısı Andriy Parubiy uyğunlaşuv toplaşuvı devamında deputatlarğa Rusiye ile vizalı rejimnı kirsetmek meselesini baqmağa teklif etken edi. Rusiyege şahsiy niyetlerinen kelgen «Ukrinform» ukrain agentliginiñ muhbiri Roman Suşenko, Moskva şeerinde yaqalanıp, «casuslıqta» qabaatlanğan soñ Parubiy böyle beyanatnen çıqtı.

Oktâbr 6 künü Yuqarı Rada kün mevzularına kirsetilgen bu sualni, yani Rusiye ile vizalı rejimniñ qullanılması meselesini, öyle de baqmadı.

XS
SM
MD
LG