Aqyarda yüzümniñ 70% toplanılğanını ayttılar. Bunı Rusiyeniñ kontrolündeki Aqyar akimiyeti beyan etti.
Müessisede yüzüm cıyuvı avgustnıñ ilk künlerinde başlanğanını ve oktâbrniñ soñunda bitecegini ayttılar.
«Regionda bereket bergen yüzümliklerniñ umumiy meydanlığı 4363,4 gektar teşkil ete, 70% çıyıldı. Mahsuldarlıq bu sene bir gektardan 35 tsentnerni teşkil ete», – dediler müessisede.
Rusiye tarafından tainlengen Aqyar akimiyetiniñ malümatına köre, eñ büyük topraqlar, yüzümliklerniñ 1626,9 gektarı, Ltd «Kaçinskiy +» şirketine ait. Onlardan 1430 gektarı cıyıldı. Şirket tehnikiy ve sofra yüzümleriniñ 15 çeşitini östüre.
«Çoqusı sofra yüzümleri (Muskat Gambugskiy, Vostorg, Muskat Yantarnıy ve Ottonel) endi cıyıldı. Tehnikiy çeşitlerniñ cıyılması daa devam ete. Ltd «Vinograd plus» kibi kiçik şirketler, 63 gektarlıq yüzümliklerge saip olup, bereketni endi bütünley cıydılar», – qayd ettiler müessisede.
2015 senesi sentâbrniñ soñunda Qırımdaki şarapçılar Qırımda işlenilgen yüzümniñ kölemi, 2014 yılına nisbetten, aman-aman üç qat azlaşqanını bildirdiler. Keçken sene tabiat şaraitleri yüzümge yaramay tesir etken edi, Rusiyeniñ davranışı ise yüzümni qorçalamağa bermegen edi.
