Link açıqlığı

Birleşken Milletler teşkilâtınıñ Telükesizlik Şurası Portugaliyanıñ sabıq baş naziri António Guterresni BM baş kâtibi vazifesine teklif etti.

Onıñ namzetini Telükesizlik Şurasınıñ bütün 15 azası bir ağızdan qoltuttı, dep bildire Radio Svoboda.

Endi António Guterresni BM assambleyası tainlemeli. Rey berüv kelecek afta keçirilecegi beklenile.

António Guterres tainlense, 2017 senesi yanvar 1 kününden başlap, baş kâtib vazifesini eda etecek.

67 yaşındaki António Guterres 1995-2002 yılları Portugaliyanıñ baş naziri edi. BM baş kâtibi vazifesine kelip, o eki beşyıllıq müddet devamında çalışıp, Bu yılnıñ soñunda yerini boşatacaq Cenübiy Koreya vekili Ban Ki-munnı deñiştirecek.

Guterres BM sistemasında endi çalışa edi: 10 yıl devamında, 2005-2015 seneleri o Qaçaqlarnıñ işleri boyunca BM Yüksek komissarı edi.

XS
SM
MD
LG