Link açıqlığı

Yaltada oktâbr 6 künü cemiyet qorunması boyunca merkez idmanlarında er yerde ışıq söndürülecek vaqıtta alınması kerek olğan tedbirlerni işlediler. Bunı Kremlin nezareti astındaki Yalta şeer idaresiniñ matbuat hızmeti bildirdi.

Müessise bildire ki, efsanege köre, 1550 sanlı dispetçer hızmetine «diversion-teroristik eylem aqibetinde Taman-Kafa yañelişli eki energo-köpürde patlav yüz berdi». Neticede, idmnlarnıñ efsanesine binaen, Qırımnıñ bir sıra rayonı ve memuriy merkezi elektriksiz qaldı. Ayrıca, Keriç, Kefe, Kezlev, Sudaqta, Seyiter, İslâm Terek, Curçı ve Cankoy rayonlarında ışıq kesildi.

«Toplaşuv iştirakçileri elektrinniñ sıñırlanması vaqıtında Yaltanıñ belediye obyektlerini energiyanen teminlemek içün ilk olaraq yapılacaq tedbirlerni işlep çıqtılar», – dep qayd ettiler müessisede.

Oktâbr 5 künü Yaltada cemiyet qorunması boyunca merkez idmanları çerçivesinde zelzele vaqıtında tehliye tedbirleri üzerinde idmanlar keçirilgen edi.

Oktâbr 4-7 künlerinde Qırımda cemiyet qorunması boyunca merkez idmanları keçirile. İdmanlar devamında tabiy ve suniy şekilde üz bergen felâketler vaqıtında yapılacaq areketlerge azırlıq yapıla. İdmanlarda federal akimiyet organları, Rusiye subyektleriniñ icra akimiyetleri, erli idare ve teşkilâtlandıruv organları iştirak ete.

XS
SM
MD
LG