Link açıqlığı

Qırımdaki qızdıruv merkezleriniñ 97% keleyatqan qış mevsimine azırlar. Bunı Rusiye nezareti astında olğan Qırım Mesken-kommunal hocalıq naziri Sergey Karpov bildirdi.

Karpovnıñ sözlerine köre, Keriç ve Aqmescitte, Yedi Quyu ve Aqmescit rayonında qızdıruv merkezlerinde tamir işleri daa bitmedi.

«Bügünki künde 13 512 mesken ev (bu plandan 98% teşkil ete), suv keçirüv ve kanalizatsiya ağları hocalığınıñ 99% ve qızdıruv noqtalarınıñ 97% endi azır. 272 çoqdaireli evde azırlıq işleri daa yekünlenmedi», – dedi o.

Karpov yaqarlıq ile teminlev meselesi Keriçte, Seyitler, Saq ve Aqmescit rayonlarında eñ kergin olğanını da qayd etti.

Yarımadanıñ «de facto» akimiyeti qızdıruv mevsimi, ava vaziyetine köre, 15-20 oktâbr künleri arasında başlanacağını ayta.

Küz ve qış mevsimine azırlıq işleri oktâbrniñ 1-ne qadar yekünlenmek kerek ediler. Bu vaqıtqa qadar şeerdeki esas qızdıruv merkezleri, merkeziy qızdıruv noqtaları ve sıcaq ağlar azırlanılmaq, çoqdaireli evlerde hidrolik teşkerüvler keçirilmek kerek edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG