Link açıqlığı

«Mahkeme konveyeri» Bağçasarayda öz işini devam ete – Smedlâyev


Zair Smedlâyev, Qırımtatar Milliy Qurultayınıñ MSK reisi

Bağçasarayda «mahkeme konveyeri» Qırımtatar Milliy Meclis azalarınıñ cezalandırması boyunca işini devam ete. Bunı Facebook saifesinde Qurultaynıñ Merkeziy saylav komissiya reisi Zait Smedlâyeve bildirdi.

«Para cezaları endi Ali Hamzin, İlmi Umerov, Sadıh Tabah, Şevket Kaybullayev ce Bekir Mamutovqa tain etildi. Emine Avamilevanıñ işi 14 oktâbrde baqılmağa devam etecek, Mustafa Mauşevniñ işi – oktâbr 20, Dilâver Akiyevniñ – 24 oktâbr künü. Bügün, oktâbr 6 künü, mahkeme oturışına Abduraman Egiz ve Enver Kurtiyev davet etildiler», – dep yazdı Smedlâyev.

O qayd etti ki, makemeci Atamanük mahkeme toplaşuvını qırımtatar tilinde keçirmege razı olmadı ve tercimannı davet etmege istemedi.

«Atamanük qırımtatar tiliniñ evel olmağan statusı aqqında prezident Vladimir Putinniñ sözleri – sadece söz olaraq qalğanlarını kösterdi. Qırım Konstitutsiyasınıñ 10 maddesini ve Rusiye Cinaiy Kodeksiniñ 18 maddesini körmemezlikke urmağa mumkün olğanını da kösterdi!» – dedi Smedlâyev.

Ukrainı Tışqı işler nazirligi (TİN) Ukrain vatandaşları işğal olunğan Qırımda taqip etilgenlerinden raatsız olğanını beyan etip, basqılarnı toqtatmapa çağırdı. Bunen beraber TİN Dünya toplulığına muracaat etip, bütün mumkün olğan siyasiy ve uquqiy çareler ile Rusiyege tesir etmege, onıñ totalitar usullarnen insan aqları ve söz serbestligini yoq etmesini toqtatmağa, ve apis etilgen ukrain siyasiy mabuslarnı azat etmege çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG