Link açıqlığı

Ukrainanıñ olimpiada ve paralimpiada taqımlarınen tantanalı körüşüvi devamına Devlet yolbaşçısı Petro Poroşenko Ukraina paralimpislerniñ idmanları keçirilgen ve saqatlarnıñ tedaviylenmesi yapılğan esas merkezini Qırımnıñ Rusiye tarafından işğal etilgeninden soñ coyğanını ayttı. Bunı Qırım.Aqiqat muhbiri bildire.

«Rusiyeniñ istilâsından sebep biz Qırımda Milliy paralimpiada azırlıqları ve reabilitatsiya merkezini coydıq. Lâkin komitetlerniñ ve Paralimpistler Birliginiñ ğayreti ile biz keregi kibi sportçılarımıznı azırladıq», – dedi ukrain prezidenti.

O qayd etti ki, sportnıñ inkişaf ettirilmesinen tek akimiyet ya da prezident degil de, erli akimiyet yolbaşçıları ve sport birlikleri de oğraşmaq kerek.

«Saqatlarnıñ ihtisasiy reabilitatsiya merkezi» işğal olunğan Kezlevde yerleşe ve yarımadanıñ Kremlinge bağlı olğan akimiyeti tarafından «devletleştirildi».

XS
SM
MD
LG