Himiya ilimlerindeki keşfiyatları içün Frenkistanlı Jean-Pierre Sauvage, İskoçiyalı J. Fraser Stoddart ve Hollandalı Bernard Feringa bu sene Nobel mukâfatına nail oldılar. Bunı Reuters haber ete.
İlânğa köre, mukâfat «molekülâr maşınalarnıñ» proekt ve sintez etilmesi içün berildi.
Alimler «qoşma energiya ile vazifelerni eda ete bilecek, areketleri kontrol etilgen molekulalarnı işlettiler».
Para köleminde mukâfatnıñ miqdarı 931 biñ dollarnı teşkil ete.
Fizika saasında Nobel mukâfatını 2016 senesi «maddelerniñ hucur allarını» keşif etkenleri içün David Thouless, Duncan Haldane ve Michael Kosterlitz qazandılar.
Alimler maddelerniñ faza keçitlerini riyaziyat ile tasvirlep olğanları içün mukâfatlanğanlar. Olarnıñ keşfiyatı sayesinde eki ölçevli malzemelerniñ süperkeçirüvi, şüperaqışqanlığı ve mıqnatisligini daa yahşı tasvir etmege mumkün oldı.
