Qırımtatar Milliy Meclis reisiniñ muavini İlmi Umerov Kremlinge bağlı olğan Bağçasaray mehkemesiniñ qararına şikâyet etecek. Malüm ki, sentâbr 28-de bu mahkeme İlmi Umerovnı Rusiye Memuriy qanun bozuvlar Kodeksiniñ 20.28 maddesi 1 qısımı boyunca qaabatlı olaraq tanığan edi.
Bunı Meclis reisiniñ muavini Facebook saifesinde yazdı.
«Neticelerge dair hayal qurmayım, lâkin bu kelecekte İnsan aqları boyunca Avropa mahkemesine muracaat etmek içün kerek», – dedi Umerov.
<div class="tag_image tag_snippet" contenteditable="false" mode="infographics|plain|25180881|||" querystring="?parameterid=91815"><img alt="" src="../../img/spacer.gif" title="This is just placeholder, it will be replaced on public site." /><span>Facebook Post</span></div>
Sentâbr 28 künü Qırımtatar Milliy Meclisi reis muavini İlmi Umerovğa rusiyeli mahkeme 750 ruble para cezasını belgiledi.
Sentâbr 27-de Qırımtatar Milliy Meclisi azası Ali Hamzinge, «Rusiyede yasaq olğan cemaat birleşmesiniñ toplaşuvında iştirak etkeni içün», rusiyeli Qırım mahkemesi1000 ruble para cezasını belgiledi.
Sentâbr 26-da Qırımtatar Milliy Meclis azaları, bunen beraber, Qırımtatar Qurultayınıñ bazı delegatları Aqmescitteki Ekstremizmge qarşılıq boyunca merkezge çağırıldı.
