Oktâbr ayında Herson vilâyetiniñ Devlet geokadastr Baş merkezi açıq bazarlıqqa 14 topraq arsasını çıqaracaq. Koy hocalığı maqsadınen qullanılacaq bu topraqlar vilâyetniñ farqlı rayonlarında yerleşe, bazı qısımlar ise Qırım ile memuriy sıñırda buluna. Bunı ukrain akimiyetiniñ matbuat-hızmeti bildire.
«İcarelik qullanuvğa Novotroitsk rayonında eki arsa, daa biri – Kalnçak rayonında teklif etile», – dep bildirile beyanatta.
Matbuat-hızmetiniñ yazğanına köre, yıllıq icarenıñ başlanğıç fiyatı 2,2 million grivnâdan ziyade.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
