Rusiye Qara deñiz flotunıñ Deñiz aviatsiyasını zemaneviy qırıcı Su-30SM ile küçlendirdiler. Bunı «Voyennoye obozreniye» haber ete.
«Su-30SM yüksek suratlı areketi ile ayırıla. Bu itme vektöriniñ idare etilmesinen elde etile. Yani hareketli soplo ve ögdeki qanatlar uruş devamında çoq şaşırğan areketler yapmağa imkân bere. Aviatsiya topu, «ava-ava», «ava-yer» raketaları, yañı elektronika ve radiotapıcılar ile donatılğan», – dep bildirile.
Haber vasıtası qayd ete ki, uçaq oktâbr 1 künü İkutskran uçtı, ve arada Tolmaçövoda toqtalıp, Qırımğa yetti.
«Şimdi Su-30SM, bese-belli, uçucilarnı deñizde uçmağa ögretmek içün idmanlarda qullanılacaqtır», – deyler «Voyennoye obozreniye» neşirinde.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
