Link açıqlığı

İşğal olunğan Keriçte mektepniñ üyken sınıf talebeleri içün «Rusiyeniñ zemaneviy tarihı» boyunca deñev derslerini keçirmege niyetliler. Bunı «RIA Krım» sitesi, Kremlinge ait olğan Qırım Tasil Nazirliginiñ beyanatına esaslanıp, bildire.

Haber etile ki, «Rusiyeniñ zemaneviy tarih derseri» leyhası Keriçteki 11 sanlı mektepte keçirilecek.

«Bu leyha sayesinde üyken sınıf talebeleri bizim mleketimiz içün müim olğan, soñki 15-20 yıl devamında olıp keçken, lâkin mektep dersliklerinde daa yer almağan adiseler aqqında bilecekler», – dep aytıla beyanatta.

Nazirlikte bu leyha «Rusiyeniñ zemaneviy tarih derseri» Umumrusiye leyhasınıñ yolbaşçısı, «Yerli cemiyetlerniñ inkişaf institutı» ğayri ticariy teşkilâtnıñ mudiri Sergey Neverov ile tizilgen añlaşma çerçivesinde çalışacağını qayd eteler.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG