Sentâbr 30, Cuma künü Çelâbinsk cemaat nezaret komissiyanıñ azaları Olga Frolova ve Dina Latıpova Kopeysk şeerindeki 6 sanlı Apishaneni ziyaret ettiler. Bu yerde Rusiyede maküm etilgen qırımlı Aleksandr Kolçenko buluna.
Cemaatçılarnıñ bu ziyareti aqqında Facebook saidesinde evelki siyasiy mabus Hennadii Afanasiev haber etti.
2015 senesi avgust 25 künü Şimaliy-Kavkaz vilâyet arbiy mahkemesi Oleg Setsovnı 20 yıl qattı nizam cezasına, Aleksandr Kolçenkonı – 10 yılğa maküm etken edi.
Olarnı terraktnıñ teşkil etilmesinde qabaatladılar, sanki olar Qırım paytahtında «Ebediy alev» memorialı ve Lenin abidesi yanında patlav azırlamağa niyetli ediler.
Sentsov ve Kolçenko öz qabaatlarını red ettiler. Uquq qorçalayıcı teikilâtlar bu qabaatlavlarnı esassız ve siyasiy sebeplerden aytılğanını tasdiqlaylar.
